📌 الرحلة دي اللي هيفوّتها هيفوّت كتير بجد 😌
قررنا نعمل مغامرة جديدة “لراس البر ودمياط الجديدة ” 😎 و خصوصاً بعد ما الدنيا هادية و رايقة هناك

📅 تواريخ الرحلة:

الرحلة هتكون يومين بليلة و نتحرك يوم الجمعة 6 ديسمبر

⏰ التحرّك:

•يوم الجمعة 6-12 الساعة 7:30 صباحًا 🚍
🔙 الرجوع: السبت 7-12 و نرجع في حدود 10~11 بليل .

بالنسبة للبرنامج تعالى احكيلكم هنعمل ايه :

1️⃣ اول يوم هنتجه ع ” راس البر “

هناخد لفة في شوارع راس البر و نشوف عزبة البرج و الصيادين و كمان ممكن ناخد مركب نلف فيها شوية و بعدين نمشى ع اللسان و نشوف نقطة التقاء البحر المتوسط مع نهر النيل ❤️
و نحضر الغروب ع الڤيو الجميل هناك

🔵 كمان ممكن نأجر عجل او بيتش باجي لو موجودين هناك .

و في اخر اليوم نتعشى سوا و ممكن نجرب الفطير الشرقي هناك و نكمل سهرتنا في اي مكان رايق هناك .

2️⃣ تاني يوم بقا للمغامرة الجامدة هنتحرك ع ” دمياط الجديدة “

نفطر سوا و نجهز لطلعة خيل رايقة اوي و نرجع نتغدا سوا و نحّلي بمشبك عسل النحل المشهورة بيه دمياط 😋 و بعدها نجهز عشان نرجع للقاهرة .

🚌 :بيكون معانا باص برايڤت طول الرحلة .

💵 البادچت:

المتوقعة نصرفها طول اليومين في حدود 1300 ج.م.
ودي هتكون شاملة :

✅ الانتقالات من و الى القاهرة و جوة رأس البر ودمياط
✅ الإقامة ليلة في بيت شباب راس البر

غير شاملة:
❌ رايد الخيل على البحر 🐎 (تكلفتها 500 ج )
❌الأكل والمشروبات والسناكس
❌العجل والبيتش باجي وأي activity

🏨 تفاصيل الإقامة:

•الإقامة في غرف تربيل و رباعية مكيفة ونظيفة بحمامات خاصة في بيوت الشباب برأس البر.

و الصور موجودة تحت

⚠️ لو مش من القاهرة؟
ممكن تيجي معانا من القاهرة أو تنسق معانا تيجي بعربيتك أو مواصلاتك الخاصة. بس لازم تسجل في الفورم الأول.

👥 بالنسبة عدد :-
عدد الأماكن محدود جدًا، فلو ناوي تيجي، يفضل تسجّل بدري عشان نضمنلك مكان وتكون معانا في الطلعة الرايقة دي ! 🌟