📌 يلا بينا نروح نفصلنا يومين حلوين في صحراء الفيوم و نعمل فيهم كل حاجة ممكن تتعمل هناك 🥳
📆 الرحلة هتكون يوم الجمعة 8 ديسمبر وهنتحرك 8 الصبح وهنرجع يوم السبت 9 ديسمبر الساعه 10~ 11 بليل نكون في القاهرة إن شاء الله (يومين بليلة).
⛺ إقامتنا بتكون في كامب و هنرجع للطبيعة بقى شوية ونبات في خيم بحمامات خارجية
📝 المرة دي البروجرام هيكون دسم حبتين تلاتة عشان نقدر نستمتع بكل دقيقة في اليومين و من غير فرهدة او تعب و كمان نوفر في الفلوس ❤️🥳هنركب خيل في قرية تونس و ع شاطئ بحيرة قارون و نفطر فطار فلاحي بقا فطير و عسل و مش و جبنة و حركات 🥳🥳
و نلف في قرية تونس من جوة و نتعلم ازاي نعمل فخار و نشتري منتجات فخار برضو
ووقت الغروب نركب الفالوكة في بحيرة قارون ❤️
و هنعمل سفاري في صحراء الفيوم وهنروح كمان ( جبل المدورة، بحيرة قارون، وادي الريان، الماچيك ليك، وهنعمل ساندبوردنج، بانوراما الريان)… وفي حاجات تانية كتير هنعملها و هنعرفها للناس اللي هتكون معانا ف الجروب إن شاء الله 😉🥳
💸 البادچت هتكون في حدود من 1600 ~ 1800 ج.م
⚠️ و دي بتكون شاملة الانتقالات بباص مكيف و الاقامة في الكامب و رايد الخيل و السفاري بالعربيات الـ 4×4 و السناكس و الوجبات طبعاً ( 2 فطار ، 1 عشاء ، 1 عشاء خفيف ) .

🔢 الرحلة دي هيكون عددنا 25 شخص
⚠️ وللأسف مش هينفع يكون فيه أطفال أو حد سنه كبير علشان هيكون في فرهدة شوية.
🚫 الاوتنج دا مش عاوز ناس فرافير الي بتحب تقعد في فنادق، علشان هنام على الأرض في قلب الصحراء 🙄🤣
⚠️ و انت بتملى بيانتك اتاكد انك حاطط كل حاجة صح عشان نقدر نوصلك بسهولة
و اتاكد انك عندك برنامج Telegram عشان دا وسيلة تواصلنا الوحيدة و الجروب هيتعمل عليه
⚠️ الناس اللي هنختارها تيجي معانا هنرد عليهم بايميل في خلال 24 ساعة .

وتفاصيل الاوتنج/الرحلة بالظبط هتكون على جروب التليجرام للي هيطلعوا معانا إن شاء الله، أحنا بنأخد عدد محدود علشان نقدر نندمج كلنا ونستمتع سوا ❤
🔵 بعد ما بتسجل بيجيلك 2 ايميل ، الاول بيكون محتواه ” شكراً انك سجلت ” و دا عشان يتاكدلك ان الفورم بتاعتك وصلتنا 🙏🏻
الايميل التاني بيكون فيه لينك الجروب للي اتقبلوا معانا او اعتذار عن الاوتنج .
⚠️ لينك الجروب اللي بيتبعت ليك دا خاص بيك بس مينفعش نبعته لاي حد تاني سواء مسجل اسمه معاك او لا غير لما تبلغ الادمن الاول 😅🙏🏻