📌 بقالنا كتير معملناش شقلبظات و اكشن جوة القاهرة فـ يلا بينا بقا نروح ” Dragon Island Park ” و دي في بحيرة عين الصيرة – القاهرة
📆 الاوتنج هيكون يوم الجمعة 15 ديسمبر
📝 المكان بقا فيه اكتيتفي كتير هنعمله و نعلي الـ Adrenaline و نعمل شقلبظات و هنلعب بقا Zipline و نلعب العاب بقا زي الـ Climbing Wall و كمان الـ High Rope
و بعد الفرهدة دي هنفصل شوية و ناخد جولة كدا في الـ Lake هناك بالمركب .
و بعدها نطلع ع متحف الحضارة ناخد جولة فيه و نعرف قصة الحاجات المعروضة و نشوف المومياوات الملكية
و نختم يومنا و نتعشى في مطعم رايق في الفسطاط
💸 البادجت لليوم في حدود 800 ج
⚠️ و البادجت دي بتكون شاملة الاكتيفتي و تيكت المتحف و العشاء في المطعم
🔢 الاوتنج دا هناخد 20 بس
⚠️ مش هينفع يكون في اطفال المرة دي و الاوتنج عاوز ناس بتحب الفرهدة 🤣
⚠️ و انت بتملى بيانتك اتاكد انك حاطط كل حاجة صح عشان نقدر نوصلك بسهولة
و اتاكد انك عندك برنامج Telegram عشان دا وسيلة تواصلنا الوحيدة و الجروب هيتعمل عليه
⚠️ الناس اللي هنختارها تيجي معانا هنرد عليهم بايميل في خلال 24 ساعة .

وتفاصيل الاوتنج/الرحلة بالظبط هتكون على جروب التليجرام للي هيطلعوا معانا إن شاء الله، أحنا بنأخد عدد محدود علشان نقدر نندمج كلنا ونستمتع سوا ❤
🔵 بعد ما بتسجل بيجيلك 2 ايميل ، الاول بيكون محتواه ” شكراً انك سجلت ” و دا عشان يتاكدلك ان الفورم بتاعتك وصلتنا 🙏🏻
الايميل التاني بيكون فيه لينك الجروب للي اتقبلوا معانا او اعتذار عن الاوتنج .
⚠️ لينك الجروب اللي بيتبعت ليك دا خاص بيك بس مينفعش نبعته لاي حد تاني سواء مسجل اسمه معاك او لا غير لما تبلغ الادمن الاول 😅🙏🏻